سياسة الخصوصية

البديل — Tajroba · آخر تحديث: 3 نوفمبر 2026

هذي السياسة توضح وش يجمعه تطبيق البديل (من Tajroba) ووش يسوي فيه. البديل مبني على المجهولية: ما فيه حسابات ولا أسماء ولا أرقام جوال ولا بريد إلكتروني.

1. وش نجمع

• هوية مجهولة: رمز عشوائي يُنشأ على جهازك عند أول تشغيل ويُحفظ فيه. ما يرتبط باسمك ولا رقمك ولا أي حساب.
• المحتوى: البوستات والردود والاستفتاءات والتفاعلات والرسائل الخاصة اللي تكتبها.
• الموقع: إحداثيات تقريبية للبوست وقت نشره وللفيد وقت تصفحه، عشان نعرض لك ولمن حولك ما يُنشر في نطاقكم.
• الصور والمقاطع الصوتية اللي ترفعها.
• بيانات تقنية: نوع الجهاز ونسخة التطبيق، ورمز الإشعارات لو سمحت بها، وآخر وقت فتحت فيه التطبيق.
• عنوان الإنترنت (IP) وقت التسجيل وآخر دخول: نستخدمه بس لحماية التطبيق من السبام والحسابات الوهمية، ولمعرفة دولة الاتصال لأن البديل متاح حالياً في دول محددة. ما يُعرض لأي مستخدم، وينحذف مع حذف هويتك. لو انوقفت هويتك للأبد بسبب مخالفة نحتفظ بمعرّف جهازك وعنوانك (العنوان لأيام محدودة) عشان ما تُنشأ هويات جديدة منها.

2. وش ما نجمع

ما نطلب اسمك ولا رقم جوالك ولا بريدك ولا جهات اتصالك، وما نقرأ صورك ولا مكتبتك إلا الصورة اللي تختارها بنفسك للنشر، وما نستخدم أي أدوات تتبع إعلانية.

3. الموقع

الموقع يُستخدم لثلاثة أشياء بس: عرض بوستات الناس اللي حولك، وحفظ موقع بوستك بالتقريب (بالكيلومتر) عشان يظهر لمن حوله، وحفظ اسم منطقتك الإدارية فقط (مثل «المنطقة الشرقية»، بدون أي إحداثيات) لأرقام إجمالية عن عدد المستخدمين في كل منطقة. موقعك الدقيق ما يُعرض لأي مستخدم أبداً، والبطاقة تبيّن فقط «هنا / قريب / بعيد». تقدر توقف الموقع من إعدادات الآيفون في أي وقت.

4. الصور والصوت

الصور والرسائل الصوتية تُخزن على خوادم خاصة بنا مرتبطة بالبوست أو الرسالة، وتُحذف تلقائياً مع حذف البوست أو الرسالة أو هويتك. الصور تُعرض للناس اللي يشوفون البوست، والمقاطع الصوتية لطرفي المحادثة فقط.

5. الإشعارات

لو سمحت بالإشعارات نحتفظ برمز جهازك عند Apple لإرسالها فقط، وتقدر توقفها من إعدادات التطبيق أو الآيفون في أي وقت.

6. كيف نستخدم البيانات

لتشغيل الخدمة: عرض الفيد حسب الموقع، حساب النقاط، إرسال الإشعارات، ومنع الإساءة (البلاغات والحظر والفلترة). وأرقام إجمالية بدون هوية (مثل عدد البوستات اليومية) لمتابعة الخدمة.

7. المشاركة مع الغير

ما نبيع بياناتك ولا نشاركها مع أي طرف ثالث للإعلانات أو التسويق. المزوّدون اللي نستخدمهم لتشغيل الخدمة (الاستضافة، وإشعارات Apple) يعالجون البيانات لحسابنا فقط. نفصح عن بيانات لو ألزمنا القانون أو جهة رسمية مختصة.

8. الاحتفاظ والحذف

البوستات والردود تبقى لين تحذفها أو تُحذف حسب الإرشادات. من الإعدادات «حذف الحساب» (بعد مهلة أسبوعين تقدر تتراجع خلالها) يحذف هويتك المجهولة ونقاطك ومحفوظاتك ومحادثاتك وصورك من أجهزتنا؛ البوستات المحذوفة ما تقدر تُسترجع. النسخ الاحتياطية تُمسح خلال 30 يوماً.

9. الحماية

الاتصال بالخوادم مشفّر (HTTPS)، وقاعدة البيانات غير متاحة من الإنترنت، والرموز تُخزن مشفّرة. ومع ذلك ما فيه نظام آمن 100%، فلا تنشر معلومات ما تبي أحد يشوفها.

10. العمر

البديل للكبار 18 سنة فأكثر. ما نجمع بيانات عن قصد من أي شخص تحت 18، ولو عرفنا بذلك نحذف هويته.

11. حقوقك

تقدر تحذف بياناتك بنفسك من التطبيق، وتطلب نسخة من بياناتك أو أي استفسار عبر support@tajroba.sa (لأن الهوية مجهولة، نحتاج الرمز من جهازك للتحقق).

12. التغييرات

لو عدّلنا هذي السياسة ننشر النسخة الجديدة هنا مع تاريخها، وعند التغييرات الجوهرية ننبّه داخل التطبيق.

13. التواصل

Tajroba — support@tajroba.sa — @TajrobaSA على X.

البديل · الخصوصية · الشروط